ЈАВЕН ОГЛАС за ангажирање консултант за прибирање финансиски средства и надворешна соработка

Назив на ангажманот: Консултант за прибирање финансиски средства и надворешна соработка (физичко или правно лице)

Локација: Скопје, со можност за работа на терен и онлајн

Тип на договор: Консултантски договор (до 40 работни дена во периодот декември 2025 – октомври 2027)

Рок за пријавување: 21.12.2025

1. ЦЕЛ НА АНГАЖМАНОТ

Консултантот за прибирање финансиски средства и надворешна соработка, обезбедува стручна поддршка за финансиска одржливост на Мрежата за искуствено учење (МИУ), преку развој и спроведување активности за „fundraising“, партнерства и видливост. Главната цел е да се зајакнат изворите на финансирање, да се прошири мрежата на донатори и партнери и да се обезбеди континуирано функционирање и развој на МИУ.

2. ГЛАВНИ ЗАДАЧИ И ОДГОВОРНОСТИ

Консултантот ќе работи во тесна координација со проектниот тим на МИУ и релевантните партнери и ќе биде одговорен за следниве задачи:

2.1. Координација и комуникација

- Внатрешна координација и редовна комуникација со проектниот тим на МИУ (онлајн и состаноци со физичко присуство).

- Учество на координативни и работни состаноци со партнерите на мрежата.

- Соработка со одговорното лице за комуникации и консултантот за социјални медиуми.

2.2. „Fundraising“ и донаторски односи

• Истражување и комуникација со постојни и потенцијални донатори (приватен сектор, фондации, повици/грантови преку НВО сектор).
• Подготовка на стратегија и план за комуникација со потенцијални донатори.
• Организирање средби и посети до компании и донатори и претставување на МИУ на јавни и донаторски настани.
• Мапирање на потенцијални донатори и извори на финансирање.
• Ангажираниот експерт, во име и за потребите на Мрежата за искуствено учење, ќе биде должен активно да комуницира со потенцијалните донатори, да иницира и остварува средби со нив и да обезбедува финансиски средства за поддршка на програмите и активностите на Мрежата.

2.3. Развој на материјали и настани

- Креирање информативни и промотивни материјали за донатори, вклучително и кратки насоки и материјали за секоја од МИУ членките.

- Подготовка на покани, агенди и содржини за донаторски настани и презентирање на резултати.

- Планирање и организација на три годишни донаторски конференции на МИУ (вкупно 3 конференции).

2.4. Генерирање приходи и нови модели на услуги

- Обезбедување корпоративни партнерства (спонзорства, услуги со надомест).

- Пилотирање брзи активности за остварување приходи (на пр. платени бизнис работилници) и спроведување најмалку една пилот активност.

2.5. Јакнење капацитети и известување

- Обука на партнерските организации на МИУ за управување со одржливи извори на приходи.

- Подготовка периодични извештаи за напредок, постигнати резултати и препораки, согласно договорената методологија и формат на МИУ.

3. КВАЛИФИКАЦИИ И ИСКУСТВО

За ангажманот може да аплицираат физички и правни лица (консултанти, фирми, агенции) со релевантно искуство.

Минимални услови:

- Завршено високо образование (економија, менаџмент, маркетинг, комуникации, општествени науки или сродни области).

- Најмалку 5 години релевантно искуство во „fundraising“, развој на проекти, донаторски односи и/или корпоративни партнерства.

- Искуство во работа со приватен сектор, фондации, меѓународни донатори или грант програми.

- Докажано искуство во подготовка стратегија/план за финансиска одржливост или слични документи ќе се смета за предност.

- Одлични пишани и усни комуникациски и преговарачки вештини на македонски и англиски јазик.

- Способност за самостојно планирање, организација на состаноци и настани, и работење со повеќе засегнати страни.

За правни лица:

- Регистрирана дејност поврзана со консалтинг, „fundraising“, стратешки развој или сродни услуги.

- Релевантно портфолио на реализирани проекти и клиенти.

- Можност да обезбедат тим со соодветни експертизи, доколку е потребно.

4. ВРЕМЕТРАЕЊЕ И ОБЕМ НА АНГАЖМАНОТ

Ангажманот се проценува до 40 работни дена во периодот декември 2025 – октомври 2027 година, со можност за прилагодување на динамиката на работа во согласност со потребите на проектот.

Работата ќе се одвива преку комбинација од:

- Состаноци со физичко присуство и онлајн состаноци во Скопје,

- Координација со проектниот тим и партнерите,

- Теренска работа во земјата, доколку е потребно.

5. НАДОМЕСТ

Консултантот ќе добива дневен надомест за сработени денови, во согласност со нивото на искуство, профилот на кандидатот и расположливите буџетски средства. Конечниот износ ќе се договара со избраниот консултант/фирма.

6. КАКО ДА АПЛИЦИРАТЕ

Заинтересираните физички и правни лица треба најдоцна до 21.12.2025 да ги испратат следните документи во електронска форма на електронските адреси minova@mes.org.mk и arsovska@mes.org.mk, со предметен наслов на пораката: „Апликација – Консултант за прибирање финансиски средства и надворешна соработка МИУ“.

За физички лица:

- Професионална биографија (CV).

- Кратко мотивациско писмо (до 1 страница), со осврт на релевантно искуство во fundraising и партнерства.

- Кратко портфолио/опис на претходни проекти или ангажмани поврзани со fundraising и донаторски односи.

- Методологија за спроведување на ангажманот

- Предлог дневен хонорар (бруто).

- Контакт од 1–2 референтни лица.

За правни лица:

- Профил на фирмата („company profile“).

- Кратко мотивациско писмо/интерес за соработка со опис на предлог-пристап.

- Методологија за спроведување на ангажманот

- Портфолио со релевантни проекти и клиенти.

- Финансиска понуда (дневен/пакетен хонорар).

7. ПОЛИТИКА ЗА НУЛТА ТОЛЕРАНЦИЈА

Македонското еколошко друштво (МЕД) спроведува политика за нулта толеранција за сексуална експлоатација и злоупотреба (СЕЗ). Сите вработени, стручен кадар и ангажирани соработници се обврзани да се придржуваат до највисоките стандарди на лично и професионално однесување и да ги почитуваат правата и достоинството на корисниците и ранливите групи во заедницата.

8. ЗА НАС

Македонско еколошко друштво (МЕД) е најстарата граѓанска организација од полето на животната средина и природата во Македонија, со посветен тим кој работи на истражување и зачувување на биодиверзитетот. Нашата мисија е да го заштитиме и промовираме уникатното природно наследство на национално ниво, преку научни истражувања, едукација, вклучување на заедницата и меѓународна соработка.

Преку Мрежата за искуствено учење (МИУ) заедно со партнерските институции развиваме и спроведуваме искуствени едукативни програми за деца и млади, со фокус на природните науки, животната средина и климатските промени.